Categories: Uncategorized

Հայաստանում առաջին վալդորֆյան դասարանի բացման 20-ամյակը

Published on: 27.07.2012
Categories: Uncategorized
Comments: No Comments

Սեպտեմբերին լրանում է Մուշեղ Իշխանի անվան դպրոցում առաջին վալդորֆյան դասարանի բացման 20-ամյակը: 1994 թ.-ին այդ նախաձեռնությունը շարունակվեց արդեն Գարեգին Հովսեփյանի անվան անվան դպրոցում, որից և սկիզբ առավ դասարանների շարունակական հոսքը: Այս ճանապարհին դպրոցը բազում՝ մեթոդական, նյութական, տեխնիկական, իրավական դժվարություններ հաղթահարեց: Կայացման յուրաքանչյուր փուլում մենք հանդիպել ենք մարդկանց, ովքեր անկեղծորեն պատրաստ են եղել մեզ օգնել ու ուրախացել են մեր հաջողություններով:

Նախ և առաջ հատկապես նրանց համար ենք մենք ծրագրավորում մեր առաջին դասարանի 20-ամյակի տոնակատարությունը, նրանց ենք  ուզում հայտնել մեր շնորհակալությունն ու ցույց տալ, թե ի՞նչ բերք է տվել առաջին ցանքսը: Այդ մարդիկ,  ովքեր Հայաստանի ու եվրոպական բազմաթիվ երկրների մանկավարժներ են ու պաշտոնյաներ, ծնողներ ու հասարակական գործիչներ, գիտնականներ են ու քաղաքագետներ լինելու  են մեր պատվավոր հյուրերը: Դրանից բացի՝ հետադարձ հայացքը մեր անցած ուղուն  յուրօրինակ հաշվետվություն կդառնա մեր ծնողներին ու աշակերտներին: Վերջապես, տոնակատարությունը մեր բոլոր շրջանավարտներին մեկտեղելու գեղեցիկ աոիթ է:

20-ամյակի տոնակատարությունները կսկսվեն սեպտեմբերի  30-ին,  մի ամբողջ շաբաթ կշարունակվեն: Դպրոցում, Երևանի տարբեր սրահներում կկազմակերպվեն տոնավաճառներ, ցուցահանդեսներ, ներկայացումներ, կլոր սեղաններ:

11-րդ դասարանի ուղևորությունը Թիֆլիսի վալդորֆյան դպրոց

Published on: 20.05.2012
Categories: Uncategorized
Comments: No Comments

11-րդ դասարանի պատասխան այցը Թիֆլիս, ինչպես և ծրագրված էր, կայացավ մայիսի 20-ին: Ծրագիրը կետ առ կետ համաձայնեցված էր մեր վրացի բարեկամների հետ, սակայն իրականությունը գերազանցեց  բոլոր սպասելիքները: Ուղևորությունը փայլուն էր կազմակերպված, մեզ հին բարեկամների պես, վրացական բնորոշ սրտաբացությամբ ընդունեցին:

Ժամանակը, ծրագրի կետերին համապատասխան, որոշակիորեն բաշխված էր: Առաջին մասը՝ ձեռքի աշխատանքի ու արհեստագործության (այդ թվում և գեղարվեստական) դասերը, հենց սկզբից դուր եկավ մեր երեխաներին: Էպոխաները վարում էին հմուտ մասնագետները՝ Նանան աղջիկների հետ զբաղվում էր թաղիքագործությամբ, Դավիթը մեր տղաներին հետևողականորեն լինոգրաֆիա էր սովորեցնում

Ռեզոն ստանձնել էր աղջիկներին ու Կամոյին պղնձագործություն ուսուցանելու դժվարին պարտականությունը: Թե այդ ամենից ի՞նչ ստացվեց՝ ինքներդ տեսեք:


Կարճ նախաճաշից հետո երեխաներն անցան լուսանկարչության ու կինոնկարահանման ծրագրերի իրագործմանը, որը նրանց աոաջարկվել ու մասամբ իրականացվել էր Հայաստանում: Նախագծի պսակը հանդիսացավ Գոգան ղեկավարությամբ դպրոցի ետին պատի համատեղ գեղանկարումը:


Ձեր ուշադրությանն ենք ներկայացնում այդ ինքնատիպ նախագծի առանձին մասերը:

Օրվա երկրորդ կեսում, կուշտ ու համեղ ճաշից հետո, վրաց-հայկական դպրոցականների աղմկոտ ու չափազանց մտերմացած խումբը, ուսուցիչների ուղեկցությամբ շրջապտույտի ելավ, որպեսզի հիանա վրացական բնության ու մշակութային հուշարձանների գեղեցկությամբ: Վերջիններիս թվում ամենանշանավորները Մցխեթիի՝ 6-րդ դարի Ջվարիի ու Սվետի-Ցխովելիի տաճարներն էին:

Երեկոյան, ծնողների ու ուսուցիչների աննկատ ու անկաշկանդ հսկողությամբ, վերևում հիշատակված խմբի մի մասը ուղղվեց քաղաք, մյուսը՝ դպրոցի դիսկոտեկը:

Թիֆլիսի վալդորֆյան հասակակիցների հետ բարեկամության ամրապնդումը, դպրոցի հետաքրքիր ծրագիրը, ծանոթությունը Վրաստանի մշակույթի, բնության, մարդկանց հետ, բուռն վերակառուցվող Թիֆլիսի բազում նոր տպավորությունները՝ այն ամենի բնավ էլ ոչ լրիվ թվարկումն է, որ հայ երեխաներն իրենց հետ Հայաստան բերեցին:

Ծրագիրը շարունակվում է:

Դպրոցի ձևավորումն իրենց՝ երեխաների ձեռքի գործն է

Published on: 16.04.2012
Categories: Uncategorized
Comments: No Comments

Ապրիլի 16-ին վերջապես տեղի ունեցավ այն, ինչին մենք այնքան երկար սպասում էինք: Հանդիսավոր արարողությամբ իջեցվեց ցուցանկարի կարմիր պաստառը: Ինը ամիս շարունակ «Տերրակոտա» մանկական խումբը, որի կազմում 6-ից  14 տարեկան երեխաներ են, աշխատեցին Նանա Մանուչարյանի ղեկավարությամբ: Նրանք «Արեգնազան» կրթահամալիրին նվեր՝ 3-րդ հարկի ձևավորման համար ցուցանկար պատրաստեցին:

Ցուցանկարը, որի վրա այդքան երկար տքնեցին, կազմված է յոթ տարբեր աշխատանքներից, որոնք, բոլորն էլ, հին աշխարհի քաղաքակրթության հանրահայտ որմնանկարների ու բարձրաքանդակների կրկնօրինակներ են: Յուրաքանչյուր ցուցանկար իր պատմությունն ունի: Աշխատանքների հաջորդականությունը պատահական չէ:

Ցուցանկարը հիանալի ներդաշնակում է կրթահամալիրի ներքինին: Երրորդ հարկում տեղավորված են միջին դպրոցի դասարանները: Աշակերտները պատմության դասերը սերտում են այն հաջորդականությամբ, որով իրար են հաջորդում պատի կավե բարձրաքանդակները:

Բացումը չափազանց տոնական էր: Ինչպես նշեց Նանա Մանուչարյանը՝ «Մեր դպրոցը տարեցտարի ավելի է գեղեցկանում: Այն զարմանահրաշ դղյակ է հիշեցնում, ու չափազանց ցանկալի է, որ այդ դղյակի աշտարակներից մեկում, լուսավոր ու շողաշատ մասում, փոքրիկ անկյուն հատկացվի հատուկ բրուտագործության ու ծեփագործության համար»:

page 14 of 17
February 2018
M T W T F S S
« Dec    
 1234
567891011
12131415161718
19202122232425
262728