Categories: Uncategorized

Ցուցահանդես «Հայկական Վիպաշխարհ»

Published on: 01.06.2011
Categories: Uncategorized
Comments: No Comments

Հունիսի 1-ից մինչև 12-ը «Արեգնազան» կրթահամալիրում կերամիկական խմբակի նախաձեռնությամբ տեղի է ունեցել ցուցահանդես` «Հայկական վիպաշխարհ» խորագրով: Ցուցադրվել էր կարմիր կավից թրծած 14 աշխատանք: Զուգահեռ կիրառվել են ջնարակապատման տարբեր տեխնիկաներ: Բոլոր աշխատանքներն ունեն վինտաժային շրջանակ, որոնք սեփական ձեռքերով պատրաստել են հենց իրենք` երեխաները:

Արդյունքը դիտեք և գնահատեք ինքներդ.

Նոր հանդիպում այս անգամ արդեն Գյումրիյում

Published on: 31.05.2011
Categories: Uncategorized
Comments: No Comments

2009 թվականի մայիսին հանրապետության առաջին տիկնոջ`տիկին Ռիտա Սարգսյանի նախաձեռնությամբ Գյումրիի «Թռչունյան տուն» մանկատան երեխաները մանկատան տնօրեն Սոնա   Սիմոնյանի , ինչպես նաև ուսուցիչների և դաստիարակների ուղեկցությամբ, այցելեցին Երևանի «Արեգնազան» կրթահամալիրը: «Արեգնազանում» տնօրեն Ծովինար Մնացականյանի գլխավորությամբ երկար և պատասխանատու պատրաստվում էին ընդունելությանը: Երեխաները, իսկ նրանք 30-ից ավել էին, տեղաբաշխվեցին դպրոցի ուսուցիչների և աշակերտների ընտանիքներում:

Համատեղ միջոցառումների ընթացքում, որոնք անցկացվում էին տիկին Ռիտա Սարգսյանի անմիջական մասնակցությամբ և հովանավորությամբ, տեղի ունեցավ ամենակարևորը. երեխաներն ընկերացան, և երկու ուսումնամանկավարժական հաստատություների միջև առաջացավ շփում:

Անցավ շուրջ երկու տարի. դպրոցների միջև կապը առավելապես պահպանվում էր անհատական նախաձեռնությունների մակարդակում: Որոշ ընտանիքներ շարունակում էին կապը պաշտպանել «իրենց» երեխաների հետ, այցելում էին նրանց Գյումրիում, հրավիրում Երևան, սակայն մեծ միջոցառումներ տարբեր պատճառներով երկար ժամանակ կազմակերպել չէր հաջողվում:

Եվ ահա 2011 թվականի մայիսի 31-ին`երեխաների պաշտպանության օրվա նախօրեին, փոխադարձ այցով Գյումրիում եղան «Արեգնազան» կրթահամալիրի աշակերտները (7, 10 և 11 դասարանցիներ), ուսուցիչները և ծնողները:


Հանդիպումը նույնքան ջերմ էր, ծրագիրը` հագեցած, երեխաների հարաբերությունները, ինչպես և առաջին անգամ, հուզիչ, բաժանումը` դժվար, բայց լիահույս, որ կլինի շարունակություն: Հերթական անգամ հաստատվեց հայտնի ճշմարտությունը. չկա ոչինչ այս աշխարհում ավելի կարևոր մարդկային բարի հարաբերություններից, հատկապես երեխաների միջև:

 

 

 

Վերջապես հանդիպեցինք

Published on: 10.04.2011
Categories: Uncategorized
Comments: Comments Off on Վերջապես հանդիպեցինք

Շուրջ 16 տարի է կողք կողքի գոյություն ունեն Երևանի և Թիֆլիսի վալդորֆյան դպրոցները` Անդրկովկասյան տարածաշրջանում, և ընդհանրապես Առաջավոր Ասիայում իրենց բնույթով եզակի: Սակայն 2 դպրոցներն էլ թռուցիկ գիտեին մեկը մյուսի մասին: Յուրաքանչյուր դպրոց զարգանում էր իր սեփական օրենքներով և գտնվում էր սերտ կապի մեջ հեռավոր արտասահմանի բազմաթիվ տարբեր վալդորֆյան դպրոցների, եվրոպական և գերմանական վալդորֆյան կազմակերպությունների, ֆոնդերի հետ, բայց ոչ միմյանց հետ:

Նման իրավիճակի անհեթեթության զգացումը կուտակվում էր, ինչպես երևում է, տարիներով և իրեն զգացնել տվեց միայն 2011 թ. ապրիլին, երբ երկկողմանի նախաձեռնությամբ վրաց վալդորֆյան դպրոցի 10 ուսուցիչներից և 3 գերմանացի հյուրից բաղկացած մի խումբ եռօրյա այցով եղավ Երևանի վալդորֆյան դպրոցում:

Սպասված հանդիպումը մեծացրեց հետաքրքրությունը իրար նկատմամբ և անցավ այնքան ջերմ և անմիջական մթնոլորտում, որ միանգամից պարզ դարձավ` հանդիպումը առաջինն է, բայց բնավ ոչ վերջինը: Ուսուցիչները կիսվում էին իրենց փորձով, պատմում վալդորֆյան մանկավարժության իդեալի իրականացման դժվարությունների, Հայաստանում և Վրաստանում նոր տիպի դպրոցների սոցիալիզացման բարդությունների և վալդորֆյան ուսումնական մեթոդների կիրառման առանձնահատկությունների մասին, որոնք յուրաքանչյուրի մոտ տարբեր են:

Հյուրերը շրջեցին Երևանի վալդորֆյան դպրոցում, եղան Հայաստանի որոշ տեսարժան վայրերում, հայ կոլեգաների հետ անցկացրին մի քանի համատեղ կոնֆերանսներ և, իրենց հերթին, ծանոթացրին նրանց իրենց դպրոցի հետ, ինչպես նաև աշակերտների հրաշալի աշխատանքներին:

page 14 of 14
September 2017
M T W T F S S
« May    
 123
45678910
11121314151617
18192021222324
252627282930