Մանկավարժական կոնֆերանս Վրաստանում

Published on: 30.08.2013
Categories: Uncategorized
Comments: No Comments

2013 թ.-ի ամռանը, Կասելի ավագ դպրոցի վալդորֆյան սեմինարի հովանավորությամբ, տեղի ունեցավ անդրկովկասյան երկու հանրապետությունների՝ Վրաստանի ու Հայաստանի վալդորֆյան մանկավարժական առաջին բանաժողովը:

Գաղափարը օդում պտտվում էր վաղուց և ահա, վերջապես, միացյալ ուժերով, իրականացավ:

Բանաժողովին մասնակցում էին Երևանի 15 և Թիֆլիսի վալդորֆյան դպրոցների 30 ուսուցիչներ: Քննարկվեցին ավագ դպրոցի կայացման ու զարգացման արդիական հիմնահարցերը, դիտարկվեցին մեր երկրների զարգացման պատմական հետաքրքիր առանձնահատկությունները, ինչպես նաև հետխորհրդային տարածաշրջանում այլընտրանքային մանկավարժության կայացումը: Կազմակերպվեցին վարպետության փոքրիկ դասավանդումներ, պղնձով ու գեղանկարչությամբ աշխատանքներ:


Քննարկվեցին երկու դպրոցների համատեղ գործունեության հեռանկարները:

Բանաժողովը համակված էր փոխշփման ջերմությամբ, փոխըմբռնմամբ ու վրացական ավանդական հյուրընկալությամբ: Հաջորդ բանաժողովը կկայանա 2014 թ.-ին՝ Երևանում: Սպասում ենք անհամբերությամբ:

 

Արեգնազան կրթահամալիրը քսան տարեկան է

Published on: 30.09.2012
Categories: Uncategorized
Comments: No Comments

«Արեգնազան» կրթահամալիրը քսան տարեկան է (մի տարբերակով :) ): Ձևավորվելով 1994թ Գարեգին Հովսեփյանի անվան N.30 միջնակարգ դպրոցի հիմքի վրա՝ 2002թ. տվեցիր առաջին շրջանավարտները: Այս հանգամանքն ի նկատի ունենալով՝ այս տարի տոնվեց դպրոցի քսան ամյակը:

Այդ կապակցությամբ մի ամբողջ շաբաթ (30.09-5.10) Արեգնազանի անձնակազմը և բարեկամները՝ հյուրեր արտերկրից, ծնողներ, աշակերտներ և ուսուցիչները, տոնում էին սիրելի դպրոցի տարեդարձը: Տոնը ազդարարվեց արդեն ավանդական դարձած տոնավաճառով, որտեղ ներկայացված էին երեխաների և դպրոցի ողջ անձնակազմի երևակայության ու գործունեության ստեղծագործ արդյունքները՝ միջնադարյան ասպետական խաղեր, ձեռագործ աշխատանքներ, կերամիկական գործեր, երկանքի օգտագործում, ալյուրի ստացում, հացի թխում, արևելյան  խոհանոց, իտալական կաֆե և այլն:



Ծրագիրը հագեցած էր՝ առավոտյան դասալսումներ, ապա այցելություն Հայաստանի պատմամշակութային հուշարձաններ՝ Էջմիածին, Գառնի և Գեղարդ: Եթե հյուրերը հիանում էին մեր երկրի մշակութային ժառանգությամբ, ապա մենք ևս մեկ անգամ համոզվում էինք, որ պետք է գնահատել  և արժեվորել ունեցածը:

Օրվա երկրորդ մասը գիտա-մշակութային էր՝ կոնֆերանս, զեկույցներ, ազգային երգ ու պար, թատրոն մանրանկարչության բաց դասեր: Չնայած կազմակերպչական խնդիրների, որոնք նկատվեցին որոշ միջոցառումների անցկացման ժամանակ՝ շնորհիվ երեխաների ակտիվ մասնակցության և ելույթների՝ թատրոն, կրկես, նախագծեր ու ցուցահանդես, մոռանալ տվեցին բոլոր թերությունները: Որպես եզրափակում հիասքանչ գալահամերգն էր, որի բոլոր մասնակիցները իրական տոն էին վերապրում «Արեգնազանում»:


Առաջին անգամ առաջին դասարան

Published on: 03.09.2012
Categories: Uncategorized
Comments: No Comments

Սեպտեմբերի 3-ին «Արեգնազան» կրթահամալիրը պաշտոնապես ընդունեց 27 նոր աշակերտ: Այսպիսով, առաջին դասարանը լիարժեք համալրվեց: Ամեն տարի դպրոցը հավաքում է 30-ից 40 աշակերտ՝ առանց որևէ գովազդ տեղադրելու լրատվության մասսայական միջոցներում: Դա տեղի է ունենում զուտ ծնողների «քարոզչության», շրջանավարտների լուռ-պերճախոս ինքնաներկայացման և դպրոցի ընկերների հավատարմության շնորհիվ:

page 10 of 14
September 2017
M T W T F S S
« May    
 123
45678910
11121314151617
18192021222324
252627282930